lehen manamenduya

"Motzagoa zara zu nire gona baino"

Donostiako Mirakruz kalean ikusita

Gvr egien escvei

egion ahoari ere

Hire gorpvtz osoa esquertv

eta bedeyncatv

Maita eçan hire sabela

Maita itzan hire bi oinac

Maita itzan hire begiyac

Maita itzan bi belarriyac

Inork aukeratzen al din hire erropa?

inork entzun beharreko musika?

nork erabakitzen din hire irudia

iñork ez dezala aukera hire izaera!

inor ez dadila hire etxean sartu

hi heu izan

irmo hortan

Denbora pasa

ta gure gorputzaren zimurrak dantzan doaz

gure gorputzaren desertu honen gainean

amaigabeko hareaz

baina oasiak barnean goaz

geldiarazten gaituzten moldeak apurtzen

lapurtzen diguten denbora berreskuratzen

(komando braga)

Ez ezan utz hire gogoa kontrolatzen

ez ezak utz hire sendimenduak bahitzen

zokora itzan kolonizatzaileak

alde tenplutik!

hi heu izan

irmo hortan, hi hortan

Hire etxea defendatu

aitarena baino lehen**

Maita itzan hire escvac

Maita eçan hire ahoa…

Gür egiec escvei

egioc ahoari ere

Hire gorpvtz osoa esquertv

ta bedeyncatv

maita itzan hire escvac…

*Linguae Vasconum Primitiae: “Hamar manamenduyac”

**Gabriel Årestiren poematik: “Nire aitaren etxea (defendituko dut)”